TANINMIŞLAR HANSI DAK-LA ƏMƏKDAŞLIQ EDƏCƏK?
İctimai xadimlər «Bizim söz»ə mövqelərini açıqladılar
Məlum olduğu kimi artıq millət vəkili Sabir Rüstəmxanlının rəhbərlik etdiyi DAK-la yanaşı, Qulamrza Səbri Təbrizinin sədrlik etdiyi DAK-da qurultayını keçirib. Hər iki qurum özünü legitim hesab edərək, artıq fəaliyyətə başladıqlarını elan ediblər.
Bu qurum ətrafında gedən proseslərin ciddiliyini nəzərə alaraq «Bizim söz» İnternet Qəzeti ölkənin tanınmış ictimai xadimləri arasında sorğu keçirib.
Millət vəkili, hakimiyyətyönümlü AVP-nin sədri Fəzail Ağamalı, Yeni Yazarlar və Sənətçilər Qurumunu sədri, yazıçı-kulturoloq Aydın Xan (Əbilov) və QAT sədri Akif Nağı qəzetimizin «Hansı DAK-la əməkdaşlıq edəcəksiniz?» sualına cavab veriblər. Onu da qeyd edək ki, qəzetimiz həftə ərzində bu mövzuda sorğularını davam edirəcək.
Fəzail Ağamalı: «Biz çox istərdik ki, hər iki qurultay keçirən DAK-lar birləşsin və birgə fəaliyyət göstərsin. Belə olan halda biz onların hansı ilə ilə əməkdaşlıq etmək sualı ilə üz-üzə qalmazdıq. Hazırda DAK-la əməkdaşlığımız fəal deyil. Amma bu günə kimi AVP Sabir Rüstəmxanlının sədr olduğu DAK-la əməkdaşlıq edib».
Aydın Xan: «Əslində biz istəməzdik ki, qarşısına dünya azərbaycanlılarının problemlərini həll etmək məqsədi qoyan DAK-da parçalanma olsun. Bu qəbul edilməzdir. Amma Yeni Yazarlar və Sənətçilər Qurumu olaraq biz əvvələr Qulamrzə Səbri Təbrizinin rəhbərlik etdiyi DAK-la əməkdaşlıq etmişik. Amma son zamanlar bu əməkdaşlıq Sabir bəyin sədrlik etdiyi DAK-la daha çox olub. Bütün proseslər göstərir ki, Rüstəmxanlının rəhbərlik etdiyi DAK- daha legitimdir. Ona görə də biz bu qurumlar əməkdaşlığa üstünlük verəcəyik».
Akif Nağı: «QAT olaraq bizim 2002-2003-cü illərdə DAK-la çox sıx və səmərəli əməkdaşlığımız olub. Ammaindiki halda DAK çox gücsüz görünür. Daxili intiraqalar və qısqanclıq bu qurumu öz işinə görməyə qoymur. DAK-ın parçalanması isə ümumiyyəitlə çox təəssüf doğurur. Məni dəfələrlə Həm S.Rüstəmxanlının, həm də Təbrizinin rəhbərlik etdiyi DAK-ın qurultaylarına dəvət ediblər. Amma getməmişəm ki, tərəflər inciməsin. Belə olan halda biz DAK-la əməkdaşlığa lüzüm görmürük və hesab edirik ki, ciddi heç nə alınmayacaq».
Emin/ «Bizim söz»
E-mənbə: http://www.bizimsoz.azeriblog.com/2008/06/23/taninmishlar-hansi-dak-la-emekdashliq-edecek
TANINMIŞLARIN İSTİRAHƏT PLANLARI
Biri xaricdə istirahəti arzulayır, biri ümumiyyətlə istirahət etməyəcək, birininsə başı hələ işə qarışıb
Yayın gəlişi ilə artıq bir neçə ictimai təşkilatlar, qurumlar və tanınmışlar artıq istirahətə yollanıblar. Amma hələ də işini tam başa vurmayıb, istirahətə vaxt tapmayanlar da az deyil. «Bizim söz» «Yayı harda istirahəğ edəcəksiz?» sualı ilə AVP sədri, millət vəkili Fəzail Ağamalıya, yazıçı-kulturoloq Aydın Xana və QAT sədri Akif Nağıya müraciət edib.
Fəzail Ağamalı: «Bəli, baxmayaraq ki, prezident seçkiləri yaxınlaşır, amma mən Milli Məclisdə işləri bitirəndən sonra 15-20 gün istirahət etməyi düşünürəm. Və bunu Azərbaycanda reallaşdıracam. Mənim üçün ölkəmizdən gözəl məkan yoxdur. Çalışacam ki, sözün həqiqi mənasında istirahət edim».
Aydın Xan: Mən yay aylarında ənənəvi olaraq, öz doğma rayonuma valideynlərimin yanına gedirəm. Amma təbii ki, kulturoloq olaraq mənim üçün Parisin, Londonun muzeylərini gəzmək, ordakı dəyərli esksponatlarla tanış olmaq, kultroloji səyahət həyata keçirmək daha maraqlıdır. Bununla yanaşı təbii ki, çalışıram ki, Azərbaycanın səfalı diyarlarını gəzib, oradakı mədəniyyəti öyrənib, təbliğ edəm».
Akif Nağı: «Mən və QAT rəhbərliyi düz 15 ildir ki, istirahət etmir. Biz buna lüzum görmükür. Hesab edirəm ki, bu gün Azərbaycanın həllini gözləyən onlara problemi var, Qarabağ işğal altdadır. Belə zamanda istirahət etmək bizə yaraşmaz. Qarşıdanda seçkilər gəlir. Belə bir zamanda istirahət edənlər yəqin ki, özlərinə arxayındırlar».
Tural Əliyev/ «Bizim söz»
E-mənbə: http://www.bizimsoz.azeriblog.com/2008/06/30/taninmishlarin-istirahet-planlari
P.S. Gənc dostlarım, Virtual layihəniz mübarək olsun!!!
