İçimdən ölümünə addımlayan "O."-ya
qəlbimcədən çevirdiklərim

Desəm ömrümün mayakısan
Bildirsəm qəlbimin çırağısan

Baxışlarımla yalvarsam sevgidən ötrü
Sevincimin içindən pöhrələnsən

Səssizliyimin içində şərqiyə dönsən
Ürəyimin küncündə kölgəyə çevrilsən

Səni Tanrı payı sansam
Hər an içimdə ansam

Sənə görə "mən"imi dansam
Hər an, təkrar-təkrar yansam

Ölümündən birkərəmlik yox olsam
Sənsizliyə alışmadan zamansızlıqdan boğulsam

Ən dərin duyğularımı əritsəm
Ətir kimi başına çəksəm

Əyilmə sən heç mənə tərəf
Qəlbimə doğru yuvarlan

Baxışlarımdakı odu-alovu
Sevinc nuruna çevirsənə

Dəliciyim, axı duyuram
Bir azdan olmayacaqsan

Yoxluğundan Günəş də doğmayacaq
Heç Ay da gəzintiyə çıxmayacaq

Hamı və hər şey ölüzəyəcək
Məndən ötrü, səndən ötrü

Yanımda olanda səni sevəmmirdim
İndi yoxluğundan sevgim vulkana dönüb

Son günlər hamı mənimlə deyinir
Bircəciyə görə lab uşaqlayırsan

Fəqət neyləyim İlahi axı sən
Onu yaradacaqdınsa, məni neyləyirdin

Sənsizlikdən damla-damla yox oluram
İçimdə itirəm çölümdə ölümləyirəm

Göydəki mələklərin gülüşündə də
Yerdəki insanların baxışında səni arayıram

Sənsə fərqli bir mələyə çevrildin
Heç göylərin də sənə tayı yox