Sabah - mayın 20-də saat 21 00-da (təkrarı: səhərisi gün saat 16 00-da) baxışlarınızı "Space" TV-nin "Mədəniyyət saatı" verilişinə zilləyin: çağdaş Azərbaycan kitabı haqqında hekayətimi dinləməyə tələsin...
Yeni Yazarlar və Sənətçilər Qurumunun sədri və Kulturoloji Layihənin baş əlaqələndiricisi olaraq Azərbaycan Respublikası Gənclər və İdman Nazirliyinin maliyyə dəstəyi, AR Mədəniyyət və Turizm Nazirliyinin, eləcə də Azərbaycan Yazıçılar Birliyinin təşkilati yardımıyla 26 may saat 14 00-da M.F.Axundov adına Azərbaycan Milli Kitabxanasında (II mərtəbə) əsas mərasimi keçiriləcək VIII Bakı Kitab Bayramı - Kitab sərgisi və Milli Kulturoloji Mükafatlandırma mərasimi barədə geniş məlumat verdim...
- "İlin Kitabı" Kulturoloji Müsabiqəsi qaliblərinin mükafatlandırılması;
- Nəşriyyatlar və müəlliflərin birbaşa iştirakıyla yeni kitabların sərgisi;
- Ötən ilin dəyərli kitablarını və mədəniyyət hadisələrini fərqləndirilməsi;
- Müəlliflərlə naşirlərin, yazarlarla oxucuların birbaşa görüşü;
- Gənc yazarların kitablarının sərgisi;
- Milli mədəniyyət və çağdaş ədəbiyyatın - Azərbaycan kitabının təbliği...
