Bu gün nə qədər çətin olsa da, R. adlı dostumu qəlbimdən,
e-keçidini - linkini isə bu saytdan birdəfəlik kəsib atdım...

Xanım-xatınlar
ağır kişilər,
azaldıqca,
dünya yüngülləşir

odur hey, elə ondandır
quş sürətilə,
 lap işıq hərəkətiylə
fırlanır dünya... 

Yaman sürətlənib
zəmanədə
insanlar yüngülləşdikcə
yalan ağırlaşır
sevgi azaldıqca,
nifrət daşlaşır

odur hey, həyatımız
get-gedə yüngülləşir
bizi atırlar
biz kimlərisə
yarıyolda qoyuruq
sonra ömür boşalır
sonra olum yüngülləşir
İntihar qamarlayır
heyata yönəli sevgimizi

qəsdən təsadüflərlə
yad tanışlarla
seviş çalarlariyla
sonra ailəylə
ən sonda işlə
başımızı qatmaq
hər şeyi unutmaq
həyatın duzunu
artırmaq əvəzinə
şitini də çıxarırıq

bəlkə ölümlə yataq
paylaşmamaqdan ötrü
min oyundan çıxırıq

hanı son şərqi
dodaqlarındakı öpüş qoxusu
qəlbindəki sevgi çaları
dilindəki eşq kəlmələri
gözündəki gözəllik kölgələri

yəqin son ümidin qanadlarında
səndən sonra gələnlərə
salam aparır
o dünyadan bu aləmə...

Bir gün sən yoxsan
sabah mən heçəm,
gələn birisi günsə
həyat soluxacaq
nəhayət dünya əriyəcək

bəlkə də, bəlkə də...

P.S.

Köhnə dünya
yeni dalğa
keçmişi xatırla
mənə ağla...

Hamımılz o dünyaya

YOLÇUYUQ