Əsla, elə fikrə düşməyin,

bu misraların ünvanı var...
Sən məni axmaq yerinə görmə
Elə sanırsan ki, bu qaba qış
Bakıya elə-belə - özbaşına gəlib...

Yox, canım, sən o bir sirri
Etiraf etdiyin andan
Qarlı-şaxtalı soyuqluğuyla
Sinəmə tuşlandı
Sevgimin hərarəti
 

Özü də, inan,

qar rəngində göründü
hamının gözündə...

Soyuqdan və bahalıqdan
donan insanlara bir o qədər də
əhəmiyyətli deyildi
mənim qar rəngli sevgimin tamı...

Sən yanımda addımlayırsan
kədərimə, qəmimə, təkliyimə
Səni qəlbimə dəvət etmişdim axı,
ay yanmış, ay ruhumu yandıran!!!

Düşünürsən, 2007-ci illə
vidalaşıb yeni ilə adlayırsan?
Xeyr, 2008-ci ilin əvəzinə
Zamanımızın ayrılıq adlı
çağına ayaq basdıq...